CONMEMORACIÓN 25 DE NOVEMBRO NO C.E.I.P PLURILINGÜE DOMAIO

 

VÍDEO

TODAS E TODOS CONTRA A VIOLENCIA DE XÉNERO E EN PROL DA IGUALDADE !

Grazas por colaborar

RECURSOS PARA TRABALLAR NAS AULAS

  Deixámosvos os seguintes materiais para reflexionar  e  traballar co alumnado  o tema da violencia de xénero e a igualdade entre homes e mulleres, durante os días previos ao 25 de novembro, data na que se conmemora O DÍA INTERNACIONAL CONTRA A VIOLENCIA DE XÉNERO.

 NOVIDADES

Proposta de actividades 

Actividade 1: Repartir tarxetas con diferentes actividades ao alumnado. Por exemplo: cociñar, coser un botón, depilarse as pernas, levar saia, ... Dividir o encerado en dous, nunha parte poremos as etiquetas que socialmente adoitan facer as mulleres, e noutra a que adoitan facer os homes. Acabamos a actividade borrando a liña que divide o cadro para explicar que aínda que adoitamos asociar determinadas tarefas a un xénero, non debería ser así, e cada un debe ser libre para crecer e realizar as mesmas tarefas que o outro.

 

Actividade 2: Lectura ou audición do conto.

 

Actividade 3: Repasar as mans nun folio. Intercambiar unha man cun compañeiro ou compañeira. De forma que unha man sexa a propia do alumno e a outra dun compañeiro ou compañeira. Pintar as uñas ao gusto. 

 

Actividade 4: ( Alternativa á actividade 3) Decorar a seguinte imaxe.

 

PROPOSTA PARA DÍA INTERNACIONAL CONTRA A VIOLENCIA DE XÉNERO

 

No CEIP De Domaio estamos moi concienciados/as sobre a igualdade e a non violencia sobre as mulleres, polo que propoñemos ao alumnado e as súas familias a elaboración dun cartel no que se recolla un lema en contra da violencia de xénero ou sobre a igualdade de homes e mulleres, rexeitando todo tipo de violencia e estereotipos de xénero.

Despois realizade unha fotografía retratándose co cartel, e enviala por Whatsapp ao centro antes do luns 23 de novembro. Realizaremos un vídeo con todas as imaxes para conmemorar este día.

GRAZAS POR PARTICIPAR!! 

XUNT@S CONTRA A VIOLENCIA DE XENERO.

Preme na seguinte imaxe para ter acceso a materiais e actividades realizadas en cursos anteriores.

DÍA INTERNACIONAL CONTRA A VIOLENCIA DE XÉNERO

No C.E.I.P. Domaio queremos que as nosas alumnas e alumnos aprendan a vivir en igualdade e a traballar a súa autoestima; aprendan a rexeitar as actitudes e os comportamentos que levan á violencia e a discriminación cara as mulleres.

Tamén estamos convencidas/os de que a corresponsabilidade  contribuirá a una sociedade máis igualitaria, xusta e enriquecedora para todas as persoas.

O lema do noso mural deste ano é

CAMIÑANDO CARA Á CORRESPONSABILIDADE

Para traballar nas aulas

Quién ayuda en casa from mjluquino

VÍDEO CONMEMORATIVO CONTRA A VIOLENCIA DE XÉNERO

Neste video amosamos a actividade que levamos a cabo no cole o venres 23 de novembro no que participaron todos os alumn@s do centro e o equipo docente e tivo por título "SOMOS VALIOSAS, SOMOS IMPORTANTES".
Acto simbólico moi interesante e significativo gracias á participación de tod@s e a colaboración das familias na tarefa proposta que axudou a decorar o mural que temos na entrada do centro.

SOMOS VALIOSAS, SOMOS IMPORTANTES

"SOMOS VALIOSAS, SOMOS IMPORTANTES", é o título do mural que imos elaborar este ano para conmemorar o Día Mundial Contra A Violencia de Xenero.
Cada nena/neno realizará un retrato dunha muller que sexa importante para el/ela e que formará parte do mural colectivo.

Esperamos as vosas achegas con impaciencia.

Durante a semana do 19 ao 23 de novembro, traballaremos este tema nas titorías.

Deixámosvos os seguintes materiais para reflexionar  e  traballar co alumnado sobre a violencia e o maltrato; así como materiais coeducativos .
 Na biblioteca do Centro haberá  un espazo adicado aos libros sobre igualdade e coeducación.

Un vídeo sobre a violencia de xénero.

Unha canción preciosa para aprender

 A continuación hai uns cantos contos para traballar nas sesións de lectura.

Rosa caramelo

El príncipe Ceniciento

Viejos cuentos,... nuevos finales

Las princesas también se tiran pedos

Podedeas  botar unha ollada aos vídeos  do curso pasado: "Ni un besito a la fuerza", "Superlola", " Arturo y Clementina", "La princesa listilla", " La cenicienta que no quería comer perdices".

DÍA INTERNACIONAL CONTRA A VIOLENCIA DE XÉNERO

Hoxe conmemoramos no noso colexio o Día Internacional contra a Violencia de Xénero, como resume das actividades que fixemos nas aulas durante a semana.
Todas e todos manifestamos o noso desexo de que o Colexio Plurilingüe de Domaio sexa un espazo educativo de TOLERANCIA CERO contra todas as situacións de violencia de xéreno.
Quisemos recordar a algunhas mulleres que foron vítimas desta violencia, con panos pendurados do teito onde aparecían os seus nomes.
Todo o alumnado leu os lemas que traballaron nas aulas durante esta semana, e finalmente cantamos a canción "YA NO".